EXCLUSIVE WITH MARK HAOKIP

150649 86 total views

Interviewed by LK Mang, Compiled & Published in the interest of the general public by Government of the Democratic Republic of Kukiland.
———————————————-

1. LK: Kuki Nam mite thusim hi ,aneo pen a seiding injong ,
South East Asia Country thum in eitou phao context mei2 in hung kisei taleh,. a).Indian b).Burma and c). Bangladesh etc……Hiche gam thum hung kimin phah ho akon ahi iti “beilam” taha ichamlhet thei uva Or ipotdoh thei Diu ham?

Mark Haokip:
Tekah na seidia ipu-ipa teu chun India solkar noi a um tauvinge tia nopna soi anakai u hile vang India chu Kukiland chunga HOST COUNTRY hidiu ahin hinlah hichu ahipon eimoh vaihom khum joh u ahi. Hijeh chun vannoi pomdan banga independent sa kahiuve tia claim bol gam aumle amaho chu linguistics survey in demarcated abol khah pou pou le kon ipi sei jongle chamlhat na kipe diu ahi, ahimo behseh jongle “Maximum Autonomy or Special Autonomy” kipe teitei ding ahi, atiu ahi.

Ahin Special or Maximum Autonomy India govt noi a muthei jeng din aumpoi ajeh chu 1947 India independent jouva pat British India in constitution draft abolsa chu rewrite abol uvin Article khat noi a Kuki recognized eibol nau chu ana kinoimang kit uvin ahi.

Chukitle gam 3 noi a igamu Linguistics Survey in ahuoptha chu kihom thang ahijeh a India seh seh or Burma seh seh or Bangladesh seh seh in igamu Special Autonomy apeh a atuhchah den theilou ahi, ajeh chu solid a country khat pen pen noi a um hile vang Kuki Country muding hahsa ding ahi, ahinla akihom khen ahijeh in international issue atongkha lei in domestic issue in divert akibol theipon ahi, hijeh a ahin lohdoh thou thou diu ahi.

2. LK: Vannoi a ana vaihom Britishten eina sempih sao or World Histry Recorda eina jihlut pihu, dung juile eina sempih sao”Kukite Gam( Map)/Kuki Country ” umsa ahitai kitijeng jongleh, atua la Sapkangten vannoi vai ahopla ahi tapon; achuti leh ithusim uhi ipi iti ichepi uva, iti manoding iti dan uham tihi ahi?

Mark Haokip: Sapkang ten vannoi vaipoh tahih jongleu WW-ll chu ama ho vannoi lengvaipohna achaina decolonization period of time ahitai. Vannoi vaipo ana hijeh un amaho sehseh SINGLE SUPPER POWER nei anahiuvin ahi. Hijeh a chu tunikho channa ama ho record or documentation chu international institution in achepia vannoi vaihoptoh na amanchah denu ahitai, ajeh chu documentation anabol ho jong field dungjui a expert ngensen ana hiuvin ahi. Hijeh a thil jouse British record chedena, amahon record abol lou chu international institution in apomlou ahitai. Hiche jeh a Kachin, Karen etc kiti hon Burma akon independent a kipoh nadia gal asat uva, vannoi kithangliuva abol vang uva thulah a umlouvu ahi. Hiti ahi jeh a British record chu tunikho channa relevant tah a chelha ahi. Mizo hon ZoRO atiuva Kuki mina historical and linguistics survey kibol gam hi Zo kahiuve tia adel vang uva Zo mina linguistics demarcation aumlou jeh a anjou teng Kukite chungchang thu sei a ahung um teng leh gucha case a kipal diu ahitai. Indigenous forum in indigenous name apoimoi tijongle independent/Self-determination muna dia poimo Linguistics Survey demarcation aumlou le panna bei ahi.

3. LK: Ipi Chu hitaleh tule tua vannoi leiset kivai hopna UNO hin Sapkangten – ‘World History Record ‘ anabol jouseu chu, ana record dungjui cheh uva UNO in pass kibol pih ding ahi tihi UNO Dan(Law) a um/jao dan mong2 hinam ham ?

Mark Haokip: UNO in 1960, December 14 nikhon Colonial Country hon independent amu teitei diu ahi, tin kilolna ana nei uvin ahi. Hichu Granting of Independence to Colonial people and Countries, Resolution no. 1415, 1960 ahi.

4. LK: Sapkangten record ana bol jouseu Chu UNO in ajuiding or pass abolpih ding ahi kiti taleh, Tua KSRO/DRK akidei hi ijakai UNO in pass eibol pih diuvin ithu u hung ging pan taleh ,akisei gam thum hochu-athipchet diu vem? Ahileh against eihin bol tao leh ,aguh a eiback thei Diu supper power country inei diu hinam? KSRO/DRK hin, Economic le politic background aguhcha anei Masat hinam ? or anei masat ding kadei nathu Kahin sei ahi e.

Mark Haokip: UN General Assembly in tekahna Kukiland chu Sovereignty kipeding ahitai atiteng Security Council in Veto Vote aboldiu, Veto power manga vannoi gam hoa kon sepoy alahkhom diu, UN Peace Keeping Force ahin tollut diu, stable and reliable government tundoh ahikah se’a eidinpi diu ahin hiche hi norms a umsa ahi. Hiche thu hohi lekha jousea kisunlou ahi.

DRK in economy lama boina ding lampi akimu poi, Kuki Country pumpi hi sumputna twi nah banga kimu ahin movement bolna dia sum poimo chu ahile apoimo dungjui a kihol thu ding hijeng ahi.

Leave a Reply

Your email address will not be published.