Forum

150649 288,029 total views

KUKI SOVEREIGNTY KI...
 
Share:
Notifications
Clear all

KUKI SOVEREIGNTY KITI CHU CHIEFTAINSHIP RIGHTS KISEINA AHI By Mark Haokip 30th Dec 2019

1 Posts
1 Users
0 Likes
456 Views
Thanggoulien Vaiphei
Posts: 16
Trusted Member
Topic starter
 

KUKI SOVEREIGNTY KITI CHU CHIEFTAINSHIP RIGHTS KISEINA AHI

By Mark Haokip
30th Dec 2019

Athu ala umlouva Political lama safe nading lampi umlouva Haosa hon agamu mipi khut a amoh surrender uva ahile kukiten gam kanei uve itinau living evidence ikithadoh diu ahi. Kholthuh na umlouvin lunggel hohi seithei ahinai tin moh seisei poute. Living document/ evidence akitilo na chu, Kukite British ten vannoi avaipoh masang peh apat chamlhat jing, independent state kahiuve, tia kisei chu koimachan right anei theilouna living Institution Haosa Kivaipohna chamlhat tah a ibol jing nalai pau hi ichamlhat nau sovereign rights kiti nalai tah chu ahi. History a chun Kukite chamlhat dan ijat in kisun jongle tunikho chana melchih nale vetsah na practice Institution vetthei dia aum loule gam nei ihinau le sovereign nation ihinau chu jou bulom ahi.

Hiche Haosa Kivaipohna chamlhat govt chu living Kuki Govt tia kihe ahin, tulai in hetkhel jeh in Kuki Inpi hi kuki govt ahi tin translate/modified/power hijacked/Chieftainship rights couped ibol doh un, vannoi hetpeh Chieftainship Institution pen chu khogem kidalha thip bangin ibol uvin, hiche hi bolkhel lentah ahi. Hiche hi unidentifiable political accident ahi.

Hijeh a Chieftainship Institution hilou modified version Kuki Inpi hi Kuki government ahi tia isei pau hin Kuki Political Rights atha ahin eihon ihetdoh louvu ahi. Kuki Inpi deilou na le douna kisei ahipon thu kiselguh ho pragmatic point cha cha kihilchen joh ahi. Hiche jeh a India govt jong asung langa kipah kei ding ahi ajeh chu Kukite Politics a eile-ei suicide mission a kiche jo ahi.

Vannoi in amel-het, aja, akichat le athusei apom chule Kuki Government tia ahet chu Kuki Chieftainship Institution bou hi ahi.

Isopi phabep hon akihetnau international Political identity adalhah uva Zomi akisah uva Rohingya Muslim kitiho, gam neilou migam a khopem lele a suhna ding helou ho banga socio-political lama rank khat chat tobang ahidoh danu akimudoh theilou tobang ahi. Kuki tribe ijat hamkhat hon Mizo kahiuve atiuvin Kukigam a acheng uvin, agamneite hetlou kah in Kukigam India ana pedoh kit uvin Indian Union noi a statehood khat in aumun, Kukigam a acheng uvin Kuki kahi pouve atiuvin, amaho le amaho gucha akisodoh uvin ipi ahin to diu kisei theilou ahi, agam nei Kukiten Kukigam Mizoram kisah khu claim ahung kinung bol nikho leh socio-political aspect langa Rohingya hotoh rank khat ahung hidiu ahin kihet doh diukhu ajachat nau hung sang ding ahi.

Mizoram jong, Chin hills jong Haosa Rights Kuki mina um ahidan geldoh louvin Haosa Rights asumang uvin tukhun gam neilou akisoh tauvin, Burma in fullfledged Democracy ahin mu nikho le alahpeh chaidiu ahitai. Tutua hi jangpet a Haosa Rights preserved bol a Kuki dinpi, Indian Schedule Tribe Thadou hilou, Historical and Linguistics demarcation basis a international recognized Thado-kuki kiti tribe hon bou Chieftainship Institution preserved kibol ahitan hijeh a Chieftainship rights in Kuki Country tia demarcated kibol gam pumpi akhukhum ahi jeh in Thado-kuki Haosa Rights dinpi hin Chin hills le Mizoram jong akhu tha ahitai. Hijeh a amaho khu agama cheng jong leu a right chu anei talouvu ahitai. Hiche jeh a khu boina sangtah ahin thoh diu ahi.

Kuki gam Political status itobang ham, iti Politics ibol diu ham tiho hatah kisun doh a awareness kibol ahin awareness kibol banga anatoh kichepi ahin Haosa abei nading gamlha tah vat nalai ahi. Sovereignty Right secure ahi tokah a haosa beithei lou ding semphat a suhtup a suhdih joh ding ahi. Govt in suhbei peh a igamu govt gam hisah nadia development policy a khetkeh nadia development lama nehguh chahguh auma mipin Haosa ahin deimo a ikitomo uva overthrown ibol nadiuva thang akam leleu hohi mipin jong Haosan jong limgeh cha vettoh ding, thu moh sei sei lou ding ahi. Indian administration in eidelpha vang uva igam India gam hilou ahi. Special development package eipe jo lou uva general development policy manga ikitomosah uva, hiche policy a khu igamu lahpeh dia eigep jingu ahi tihi het a pha ahi.

Mijouse thusei ikilop uva, mijousen alunggel gel a nam kitol dia igel uva, adihpen ahoipen geldoh nu/pa ikigel nau jachat umtah third class mentality hohi milah a pohdoh lou ding ahi. Thil ijakai kholthuh ding, kholthuh na nei a mipi hilthem ho thusei ngai a jui ding igot diu ahi. Nam thu ahuteng phung a langpan, changa kivet mingol umchan tho-tho jong ngah phat ahitai.

 
Posted : 29/08/2021 7:46 am
Share: