Forum

150649 288,043 total views

PU K. KHONGSAI AKON...
 
Share:
Notifications
Clear all

PU K. KHONGSAI AKON THUDOH MANTAMTAH DONBUTNA

1 Posts
1 Users
0 Likes
9,286 Views
Thanggoulien Vaiphei
Posts: 16
Trusted Member
Topic starter
 

PU K. KHONGSAI AKON THUDOH MANTAMTAH DONBUTNA

Meilhei/meitei ten st adel u hi mi tam pi kuki cha te lung thim aboi tan epi hung soh de ham ti Kuki chate lung boi na hi,pu Mark Haokip in ki chen tah in nei hin sei pih leu chun ti a Whatapp mang cha a tem na sang pen ka hin nei ahi e,kei jong ka lung aboi jing in na hin hil chet ding ngah in mi pi te khel la Jesu min na ka hung tao ahi e,

K, khongsai,member
THE SAIKUL POST,

____________________________

Jaumtah Pu K Khongsai hi hitobang thudoh thupi tah neihin doh nachunga kipathu kahin sei e, chule dohthei dia eimangcha Pakai kahin thangvah e. Kahin seiding hi kimtah in kiseidoh jou hih jongle alhangpi apoimo hettoh nadia kahin sei ahi:

Meilhei te hi agamu 700sq.mile Indian Union a surrender bol ahitauvin, Union member ahinauva konna General Category chang uva, government kivaihop na jong ijakai amaho chang ahiuvin, chule 8th Schedule akona 11th Schedule changei chanvou chang ahitauvin ahi. Hiche nunga Schedule Tribe chanvou noi a khosa Kukite gam duchat najeh a Schedule Tribe status mu a, igamu chanpha a gouva kilah ding tia pan alah uhi electoral policy a kon majority vote manga muthei hiding ham ti tobanga abolu hi ahithei ding thil vang hibehseh lou ahi.

Schedule Tribe chanvou chan nadia status thum ding ativang uva aduchat pen uchu gamleiset hi ahi, hijeh a chu abidoi uhi Schedule Tribe mina kiphina eiho hetlou kah a FOREST RIGHTS joh kilahdoh na neiya, Thinglhang Haosa gam jouse hiche Forest Rights manga government in forest a akilahchai kei ding, hichea konna chu Meilhei settlement install bola igam pumpiu toupha ding, tia lungthimset abolu hijo ding ahi. Ajeh chu Schedule Land sese chu schedule tribe provision noi a ventup na um jongle Meilhei te chun hunam a strike bola lahpieh dinga agelu ahin hiche hi Crime Against Humanity ahi. Hijeh a chu ST khu adeimongu jong hipon tin kiselna anei uva FOREST RIGHTS 100% a kiguhdoh ding atiu ahi, ajeh chu direct a Forest Rights amoh thum thei louvu ahi.

FOREST RIGHTS LEH KUKITE DINMUN

1. Kukite Forest Rights hi India govt. in recognized eibol pieh louvu ahi. 1947 India Independence jouva Indian Constitution Drafting Committee hon Indian Constitution akon FOREST RIGHTS, LAND RIGHTS, CUSTOMARY RIGHTS, RESOURCES RIGHTS, CHIEFTAINSHIP RIGHTS, etc. eina noimang pieh uvin ahi. British ten India adalhah tah ding jeh a Constitution sutchaisa akoi pieh u ahin, chunga Kukite Rights kahin sei ho khu British hon eina sutlut pieh u ahi, hijong le Dr Ambekar hon ana lahdoh uva Independent jouvapat kum 9 jouva INDIGENOUS ihinau avuimang uva SCHEDULE TRIBE list a eikoilut u ahi.

2. British ho gondan chu ahile Kukite chu SPECIAL AUTONOMY/ AUTONOMOUS noi a iumdiu, Great Brittan noi a um Irish Free State ho banga Legal and constitutional sovereignty under the Constitution of India hidinga eina bol pieh u ahi.

3. Ahivangin Indian Constitution akona Kukite thaneina Autonomy provision anoi mang phat uva Kukite chun Indian context a Indigenous Identity inei talouvu ahin Schedule Tribe eisodoh u ahitai. Hiche jeh a eihon Indian context a politics ibol vang uva POLITICAL RIGHTS kinei talou ahibouve. Ahin ivangphat nau chu Chieftainship Rights khel khel hi ana noimang pai theilouvu ahi. Hiche jeh a igamu hi um hamham ahi. Achuti nah vang chun Chieftainship Rights jong Rs 500 Village Authority Act adelpha sah uva Direct Development Autonomy eipe talou uva, "GIVE ME YOUR CHIEFTAINSHIP RIGHTS AND I WILL GIVE YOU DEVELOPMENT" tilampang policy joh a eibum ngol uva development eipieh louvu ahi. Schedule Tribe/Tribal khat akihivanga Kukite Chanvou ding chu ahoiya hoi ahi, ahivanga i Rights u anoimang jeh uva chu Constitutional Special Provision kichang theilou ahi, ajeh chu gamnei louva eikikoiyu ahi. Hiche jeh a Sixth Schedule kisan implementation abol theilouvu ahi. Hitobanga Kuki Indigenous Rights asuhmangu hi Human Rights Crime ahi.

4. Kukite hi Indigenous kahiuve tia Indigenous recognition idelkit uva ahijongle Kol thinglhangmi ADIVASI bou Indigenous a recognized abol kit jeh uva, Adivasi min manglouva Indigenous recognition kimuthei kitlou ahi. Hijeh a chu Indigenous recognition idel uva imu jongleu ADIVASI ihikit diu, Kol thinglhangmi ikisochat diu, igam le inam chu Kolgam le Kol minam hikit lei ding ahi. Ajeh chu United Nations a technical tah a Indigenous issue boipi chu International Labour Organization (ILO) ahin, ILO in aboipi nasunga chu Government of India in India gama Adivasi tailou Indigenous aumpoi, Indigenous natiu chu India in Schedule Tribe in recognized kabol uvin agamu jong Schedule area in akikoi in phaten provision akipeuvin akivengtup nauve tia eilep mangu ahi.

5. Ipi jeh a Indigenous ihidiu India government in hibanga akha ham itileh Indigenous Rights nei a, gam huhna Colonial government toh kidouva, linguistics survey demarcation in ahuop a, colonial govt in akivaipohna institution recognized abol pieh a gam Map sempieh sa adalhah ho chun indigenous rights akona SELF-DETERMINATION RIGHTS anei ahin hichea konna chu Sovereignty amuthei nading lampi um ahijeh a Indigenous ihidiu India govt in aphallou ahi. Achuti jeh a Kuki colonial history ho recognized abol louvu ahi.

*THE SOLUTION*

1. Hiche case jouse hi Human Rights manga bou fight kibol thei ding ahi.

2. Agamnei hina Indigenous Rights UNPFII a recognition delding ngai ahi. Ahin Adivasi indigenous rights through a lutlou ding ahi.

3. Vannoi leiset hetpieh na chang Kuki Haosa Inpi (CHIEFTAINSHIP RIGHTS) hi 100% practice bol thei nadinga Human Rights Organization hon UN a ngehna anei ngai ahi.

4. Vannoi hetpieh lou Kuki Inpi isem uva milham hon avaipoh hi eiho le eiho political rights kisuhset na ahi. Independent akimu teng le vang ahimo pon tutadin politics lama seidia Haosa mina gal kisat akichai naipoi.

Hijeh chun:

(a) Kuki Chief Association subei utin Haosa sese Kuki Inpi otdoh utin kholaimi hon Haosapu touna chu poute,

(b) Mipi sese Kuki Indigenous Council / Kuki National Assembly a kipoh ding, tutua Inpi kipoh banga khu electoral basis a government semding

(c) Haosa Inpi/Kuki Inpi in custom, law, crime, etc chunga mopon tin, Kuki National Assembly in development politics le social welfare lam mopo leh hichea konna hi ihung khantou pan diu bou ahi.

(d) Haosa chu insunga mi upa kitung ahi akiti vanga mi upa jouse, bulpi jouse Haosa po ahisohkei pon, upa jousen kho asat jong ahipoi, hiche mana Bulpi jouse kitum huidoh a Upa Inpi/Kumpi government kisem hi dihlou, bolkhel ahitai. Haosa ho Rights kichudoh or COUP kibol na joh ahi. Vannoi in Kukite kivaipohna ahet Haosa Institution joh hi restore bol ding ahi. Govt in jong adindoh kit ding akichat chu Haosa Inpi ahi. Koima melhetlou CSO le tutua Kuki Inpi kiti hi akichat lou ahi. Tutua practice ibolu hi Kukite Human Rights idoudalu/against eima hole eima hon ikibolu ahi tihi helou joh ihiu ahi. Powerful hijeh le thunei lamkai hijeh a igel gela thil bol lou ding, Thutah a vaihop ding poimo ahi.

(e) Kukite dia sochat nading umsun chu "THE RIGHTS TO SELF-DETERMINATION" a direct a lutding hi ahitai, adang POLITICAL IDEOLOGY inei pouve. I hetliu nauvin jong einatha gam got u ahijo e. Akiseidoh jouse hi proof/evidence umsohkei ahi.

From the Desk of
Mark Haokip

Dated: 6th March 2019
New Delhi

 
Posted : 06/03/2021 12:25 pm
Share: