FREE WILL (DEILHEN NA ZALEN)

150649 259 total views

By Evan. Hnamtinkhum Joute

Bible: Lev. 7:16, 22:21, 22:23, 23:37-38, 22:18, Num. 15:3, Ezra 3:5, 7:13, 15,16, 8:28, Ps. 54:6, 110:3, 2Cor 8:4, Isiah 58:13.

Mihem sunggil a hin vanlang thil deina leh muthei deina Pathen in akoiyin, tua ijildiu pen hi i-Lhagao deilhen na ahin, sappauva ‘free will’ akitin, Mizo Bible a ‘Eima deichuom tin, akisun in ahi. Bible a somni-le-ni akisun in aumin, eima deichuom kiti pen hi ‘deilhen’ kiti toh hin akinai in, hijong leh akibangchat dehpon, i-pienpi mihina in Pathen gelkhoh louva Leiset thil jeng igel lai in jong Pathen hejing khat hi eima mihem sunggil a hin aumin, Adam chonset masang chun mihem eipuipa chu amahi ana hin, i-lhagao chun Pathen akon hilou ho adeingai poi. Hiche hi lhen jong ahipon, Pathen toh akijop in, Pathen jong akipanapen ahi.

Chonset a alhuhlut nungin imacha abolthei tapon, alheng thei tapon, tahsan thei talouvin asetan hijong leh mi ahung pienthah teng leh a Lhagao thi chu Pathen in asuhing kit in, suhhinga ium nungin i-Lhagao in Pathen akilhen na chu imachan adaltan thei tapoi. Hiche pen chu ‘Free Will’ ‘deilhenna zalen’ ahina jong ahi.

I-pienthah nungu hin i-tahsa miji le i-tahsa chun leiset lam thil ngaichat na anei jing nalai in, ahin lah i-Lhagao vang chun Pathen bou alheng in, i-pienthah nin suhtheng i-hin, Jesu Lhagao toh i-kijop tah jeh chun thildang jouse sangin Jesu alheng jon ahi.

Leiset ngaina toh atekah (compare) ngai tapoi. I-miji sangin Jesu adei in, ‘keima’ itiu, thamthei tahsaphe sangin Jesu alheng jo’n ahi. Mipiengthah ho chu koima sol louvin Pathen vahchoi nomna asunggil’a aumin, taonom naho, kikhop nom naho, chonset dalhah nom naho jouse chu tahsan chate sunggil a aumin hiche chu deilhenna ahin, itahsauvin alhen lou hiel, chule itahsa in Pathen deidan abollou lai in jong, i-Lhahao chun Pathen alheng jingin ahi.

Mihem Lhagao chun Pathen bou alhengin ahi. Pathen lhen jing vanlang thil i-sunggil’a um i-Lhagao deilhenna hi ahin, i-Lhagao hin tahsa anei in, mit anei in, lungthim anei in, nakhang anei in, khut le keng jong anei in, i-leitahsa sanga le-sangtamtah a hoi le loupijo anei ahi. Solchah Paul in sunglang mihem atin ileitahsa lel-lheh jong leh sunglang mihem chu semthah in aum jingin ahi. Bible thuhil danga chun mihem thah, lungthim thah, Lhagao thah tin, asei in ahi.

Leave a Reply

Your email address will not be published.