KUKI NAM HI INDIA GAMA INDIGENOUS AHILOU DAN HILCHIET NA

150649 227 total views

By Mark Haokip

Dated: August 11, 2019

Mikon khat loi in thutah kiseiho context hechen louvin ajahda un aphat ahipoi, thil chom-chom joh kibol tan atiuvin ahile ipi ibol diu hitam? Inam kiledoh nadiu chu anatoh bei a, ole pong tia hung kichomlut tho ding dan ham? Solution le lampi chu hinsei un. Eiman kibol ding ahi, Israel te banga ahuhhing diu Messiah nga banga ngaa kinepna nei ihiu ahipoi, ipi ihung hidiu tunia hi ikhut uva kingam ahi.

India noi a umna chu inam manpai nading ahiti helou dia ganhing hinna hinding chu aphamo poi, oivaset set a bu neh a, lhalho kimuthei a nomtah um ding chu Kukite dia tonsot solution hiding ahipoi, tua bon atampen a kum 50 hung chele Hindu kisoh uva bong hou tadiuva, hiche jong nakihet doh theilou lai uhi nalungthim u ipen atuom ham?

Ahin akisei hi ipu ipan ahuhdoh sa i-zalen nau kinung semdoh a eima gam eima govt a um a kivaipoh ding kiti ahin Indian govt subject sunga hi hichu jao ihisah ahidem? Indian subject sunga chu gam ineinao hi eliminate boldoh a amaho agam neite hiding Kuki original identity mong mong eliminate bol ding atiuva aphat chom nadiuva Schedule Tribe a eikhum lut u ahihi helou nahiu ham? India govt in UN indigenous issue noi a ground work bol mechanism International Labour Organization (ILO) ho henga “India Indigenous aumpoi, Indigenous natiu hi keihon Schedule Tribe katiuvin, India cheng jouse India adia kabon uva indigenous kahiu ahi, hijeh chun keiho indigenous hi Adivasi katiuvin, adivasi tailou indigenous dang aumpoi, tia eilep doh uva, hichu India mite jouse hi Adivasi ham tia ahung kivet leh Kol lah a thinglhang mi Adivasi tribal phabep ho bou ana umin amaho chu kiselguh na anei uva eiho jouse indigenous hina jong Schedule Tribe manga athadoh uva tuchan a hi UN koma denied eibol jengu ahi.

Hiche thu hi hoi a kimun iti leh “CULTURAL SURVIVAL: Observation on the State of Indigenous Human Rights in India, Prepared for: THE UNITED NATIONS HUMAN RIGHTS COUNCIL UNIVERSAL PERIODIC REVIEW 2016, 27TH SESSION, THIRD CIRCLE kiti lekhabu Page 1, part l a phatea kisun ahi. Hichea konna hi Schedule Tribe a 1951 a Any Kuki Tribe tia anahetlut vang uva Indigenous ahideh lou dan leh 1956 Tribe Modification Order noi a 22 Tribe jouse jong indigenous ahilou dan chu kicheh tah a hung kihedoh thei ahi.

Cultural Survival p-1, part ll a kisun dung jui a: India govt in 2007 a chu UN Declaration on the Rights of Indigenous Peoples (UNDRIP) deisah na vote ana peh bep ahi. 1960 langa pat Indigenous hi ana pom nomlou peh ahi.

Chule 2007 a chu ILO Convention 107 chana nopna sign ana bol bep ahi. Achuti nah vanga chu India indigenous aumpoi tia pang chahkheh nalai ahi. Hiche India indigenous aumpoi Schedule Tribe bou aume tia pana analaa ana doudal chu Lokur Committee Report akitin 1965 a ana kiphutdoh ahitai. Achutia ahile eihon ihetlou vang uva guhthim cha 1965 langa pat gamneite ihi diu ana doudal panu ahitai ti kiphonchen ahi.

Ahin 2007 a ILO Convention 107 signed abol thei nau le UNDRIP ana vote thei tah vang uva 2012 kuma ILO Committee Expert hon iti dana India ten kum 60 langpi Indigenous adoudal uham tia India a National Tribal Policy ho check ahinbol uleh hichea chu Indigenous hohi Schedule Tribe manga aselmang uva agam jong aneite ahinau suhmang dia abolu ahiti ahin hetdoh vang uva India government in Indigenous aumpoi tia dachahkheh nalaiyu ahi. Ahin lah UN pressure nanoi a 2007 a chu ILO Convention 107 signed anabol uva, UNDRIP mission jong nopna vote abolsau ahi jeh a anahchangsal a India Indigenous hi Adivasi katiuvin India cheng jouse Adivasi kahiuve tia kilepdoh thou thou ahiuve. Achuti vanga chu Schedule Tribe chu ladoh louva Adivasi hobou indigenous ahiuve tia aphondoh uva, ama chula Adivasi kiti chun ahuop chu Kol thinglhangmi Adivasi ho seseh bou reality context a ahuop bou ahi. Hichea chu ipi lungthim kijeplut am itikit leh India gam sunga indigenous kahi tijouse chu Adivasi ahi atiuva, Adivasi min mangcha indigenous identity dang jouse avuimang thou thouvu ahi. Kukite chu Adivasi kihikha lou ahin Kuki kihi ahi.

Hiche indigenous problem akona hi Tribe Modification 1956 noi a Schedule Tribe of India noi a recognized kibol lut Manipur a 23 Tribe hole Any Kuki Tribe jong chu Schedule Tribe ahijeh a Indigenous ahilou dan chu bailam cha hung kihedoh thei ahin chule Schedule Tribe recognition manga kisemdoh Any Kuki Tribe chu Kuki lhem ahina le ‘Cloned Kuki’ ahina chu matdoh a hung um ahi. Ajeh chu Schedule Tribe kiti chu history neilou, gam neilou, political identity hilou, moh hinhin nomadic tribe tina ahi.

Chukitle 1951 Schedule Tribe list a Any Kuki Tribe anajao vanga hijong chu schedule Tribe mama ahin indigenous hideh lou ahi. 1951 schedule Tribe list a konna Any Kuki Tribe ana lahdoh u hi akichat jeh uva ana lahdoh u hijo dinga ginchat ahi, ajeh chu Kuki kiti chu political identity ahijeh le unique history phatah nei, one common language nei, sovereign rights nei, gamleiset nei chu Linguistics Survey of India (1904) Vol. III, Part 3 in hoitah demarcated abol hoisel a chule Kuki Country kiti Political Map genuine tah nei ahi jeh a kibol khel inte tia India govt in 1951 Schedule Tribe list akon ana lah doh hiding ahi tihi viable reason ahi. Ajeh chu eiho ikihetnau sangin amahon eihechen jo uvin ahi.

Chuti ahi jeh a 1956 kum a Tribe Modification order athahso uva Kuki Nam sunga kon Schedule Tribe tamtah a Kuki idalhah uva ihung kikhenjah u anahi. Hiche nadia hi Naga politician lah a Kuki nam noigep nadia Rishang Keishing chu practical tah a ana invol a, ama lamkai na Kuki sunga tribe atamjo recognize ana del uva anamu u ahi. Tribe Modification Order asodoh nung uva Kuki Nam loikeh deh nadia Any Kuki Tribes chu derecognized anabol masat uva, chua Kuki nam akedeh a schedule tribe chom choma ikihopkhen chaikei nung uva  2003 a chu Any Kuki Tribes chu recognize thei dia permission eihin pieh bep u ahi.

Ajeh iham iti leh Kuki nam aloikeh tah jeh ule schedule tribe tamtah kisoh doh jou ahitah jeh a, tun vang ipi bol jongleu kinung pumkhat thei tapouvintin Any Kuki Tribes le Schedule Tribe 22 jouse rank khat a umding, Kuki Nam ding doh thei talouva kinauva kidou dou diu ahitai tia 2003 a chu AKT ahin phatsah nahnah u ahi. Chule hiche Any Kuki Tribes(AKT) achu dinkhom theilou nadia nampi pao jong chu AKT kithah boldoh masanga Thadou mina ana recognized peh uva Pao a kipum khat na jong akhetkeh deh uva tua hi Kuki a dinkhom na umthei lou ahitai, ajeh chu pao akeleh nam jong keh a lhuji ahi.

Hiti case a um ihi jeh uva Schedule Tribe sese politics bolna neitah lou ding, chanvou channa le kihinsona neitah ding tia kisei a, ipu ipan eilamdoh pieh ule eina huhdoh pieh u Kuki Independent Hill Country hi agalsat gau chun athu kisei utin Sovereign State khat in kisemdoh taute, tia nasatah namsunga propagate hung kibol ahin, hiche hi Kukite ideology dihtah jong ahi.

Hichea India te lungthim akon mudoh ding chu Schedule Tribe manga indigenous tamtah suhmanga, agam jong aneite ahinau suhbei a lahpieh ding Hindu mi sodoh diu, ahou jong khel pieh ding, hiche ho jouse chu law le article jatjat sema impose bol khum diu chatthei louva koidiu tia historical and identity uniqueness hi eliminate dia attempt eibolu ahiti kimandoh ahi. Hiche jeh a Schedule Tribe 22 hole thupitah danna nagelu Any Kuki Tribe ipi ahi akihilchiet joukei nunga chu pansat na nei a Kuki Nam politics bolna neiding tia naphut tentunnu chu India policy on elimination of indigenous people kithopi le tosot joh kahiti nakihetdoh theilouvu ham? Nampi le igam, ipu ipan kum 158 jen thisan naisan longa, gimgenthei le kiel thoh a anahchangsal a eina huhdoh pieh uva eihon tunia baithaleng suhmangdoh a iphung joh Kuki noi a nambah holah Hero pen hiding tipou politics ibol dotdot uva, gamnei ihinau Indigenous rights le zalen theina rights inei hou Schedule Tribe Kuki le Thadou le tribe 22 ho manga India govt panpia thadoh dia pan ilah uchu iti ikihet chiet theilouvu ham? Valaan bon athaang kihet a Kukiten ithina diu thaang kikihet lou chu jachat umtah hilou ham?

Hitobang thusim um ahijeh a chu India sunga schedule tribe dang ho chu chuti tajong leu Kukiten keiho Schedule Tribe kahipouve, hijong hithei ponte tia voice raise ibol uva ikihuhdoh diu hinalai ahi. Kukite le kagamu toh ka history uchu schedule tribe hilouvin Indian Constitutional rights/provision noi a separate Article khat mangin protect neibol jo uvin achuti louva ahile kagamu chamlhat na kakitum vaipoh diu ahitai, tia pan lah joh ding ahitai.

Ipi jeh a chutia chu Kukiten kibol thei ding ham iti leh India gam hi lenggam neocha cha 600 langpi kigom khom uva Federal Union a kivaipoh ahiuvin, amaho jouse kigom sovereign state ahinau le Kuki Political status hi international political scenario a level akibah jeh ahi. Ajeh chu Nation-State Theory lama Kukite hi India tobang akihipon India sanga unique jo nalai akihin sperate entity ihiuvin, separate sovereignty nei ihiu jeh ahi.

Indigenous dang ho chu ahile ajatchom chom ahitan amaho chu aphat phatnan um tauvinte. Ahin Anti-Schedule Tribe Movement akibol doh theiya ahile Indigenous dang hon eihin jop thei diu ham chule UNDRIP in jong eihin tosot thei nadiu lampi khat hidoh thei ahi. Hiche tohgon hi boldoh tei ngai ahi.

3 thoughts on “KUKI NAM HI INDIA GAMA INDIGENOUS AHILOU DAN HILCHIET NA

  1. ?? Adih e, thudih thilpha hi implement bolna ding ngaitoa pha ahi. Vaigei nung a kisih le kipat hi pannabei ahibouve.

  2. Dih kasalheh jeng e. Nation nation ekiteuva India kom a gam edal uhi athu ala kana het ma sang kana lung gim lheh jin, adeh a Indian govt i. Epidia naga te atosot a kuki te edoudal sah u ahi dem, tribe recognition thu le AKT hi epi jeh pen tah a India in ahiti kisah lal pi ahi dem ti ka hin khol2 leh elampi jot dan u leh esan dan hou namthua adih lou tampi kahin mudoh e keima tah jeng in jong. Anti-Shedule tribe movement hi bol tai2 ngai ahi e, tun jong avaigei naipoi….

  3. I Pau Pathen un eivil pouve katinome.
    Ajeh chu, eiho Christian sakhuo in ium un Christan eihepouve.
    Ajeh chu, eihon ama ikouvun eihon anung ijuipouve.
    Ajeh chu, Ama ibellun aman namse eisauve.

    ipijeh hin tem…

    Hingjing Pathen chu itahsan uleh houlebeh in boipoute bieh khat hiutin bieh khat in lut khom utin kuki ten iki sonpi lheh jengu Kuki custom itiu jong hi pailhaote. doibom khanglaija kichepi ahin doibomto staple a kikilbeh tobang ahin
    thengsellin Pathen hingjing munjouse a umpa chu lhaole thutah in hou utin I Bible u khu custom in neileuhen KCC ihi d leu hisoh utin, kbc ihi d leo hicheh utin, evangelism ihi leu hicheh utin catholic ihi leu hisoh utin satanic ihileu hisoh leuhen chung mangpa ham noimangpa ham khatjoh din thaonamtui kihintin chamna le kitona chunga kingailutna vaihin hom tante.
    tua i condition u non religion tobang ihiuvin satan inla eimelhet lou u Pathen inla eimelhet lou u hoikom nampi lolhina ba ikimu diu ham.

Leave a Reply

Your email address will not be published.