KUKI NAMPI’N AJUI DINGLE AHETKHEN DIA POIMO PAO, TRIBE & NAM THU

150649 96 total views

—————————————————————
THADO-KUKI & THADOU SCHEDULE TRIBE, KUKI INTERNATIONAL IDENTITY & KUKI SCHEDULE TRIBE (AKT) CHULE KUKI PAO, THADO-KUKI PAO & THADOU PAO: AMAHO JOUSE KIBAHLOU NA HILCHIET

~Mark Haokip
Dated: 30 March 2019

Hiche Pao, Tribe leh Nation thudol hilcheit dia ahung kilang apat, keima gel dana anjoule mihon hekhel khante katia kakichat jeh a kahil chiet nom lou jeh in koi hetlouvin Lhagao langa sunggil boina kalkhat (hapta khat) val kahin neitan ahi. Ipi hile inampiu adam doh nadia ipomkhel hou, ihet khel hou leh isankhel houva kon i-khahdoh uva damna inei nadiuva Pathen thilgon le phatsah joh hitante katin ahi. Kukite hi kitah tah le thutah a kalsong dia kouna chang ihiu ahitai. Masanglai banga semthu thudih che talou ding ahi, abol teitei hon jong amanthah lo jeng ding phatchu hunglhung hita dingin kagel e. Hiche hi adih ahi, adih khat sutdoh dia hungkilang kasut ngam lou jeh a mikitahlou kana hijoh ahi.

Bannei cha hilchiet na:

1. Thado-Kuki leh Thadou kibah louna:

(a). Thado-Kuki kiti Tribe hi Kuki Nation noi a kikhai lha sunga Pao khat tho jouse, tunia Indian Schedule Tribe Modification 1956 noi a recognized kibol Thadou leh Any Kuki Tribe tia kihe a kina ho, paokhat tho jouse kimel hetna Linguistics Identity ahin hiche hi linguistics demarcation dungjui a vannoi in amel-het, international recognition kibol a kinamdet chu ahitai. Hiche Thado kitihi mihem jong hilou, title jong hilou maithei minam dang hon eina minsah nau mama anahi in, ahin hiche hi Kuki banga national name khat hidia minsah hilouva apao tho honkhat ho kikouna ahin hiche hi Linguistics Identity a chejo ahi. Hiti ahijeh a chu kikhel thei hitalou ahin, gamtum kivaipohna zalengam idel nauva chu vannoi in Indian recognized tribe based a eihin hol uva, eimel het uva, eikihoupi diu ahitapon recognized abolsau Linguistics survey (1904) Vol.lll, Part lll dungjui a eihin hol uva, eihin kihoupi diu hijo ahitai. Hiche Thado hi kahipoi tichan chu Law of Asylum in ahuop chat ding, foreigner or non-indigenous status a umchat jeng ding ahi. A spelling jong kikhel theilou ahitai ajeh chu unique identity a che ahijeh ahi.

(b). Thadou kitihi Indian Schedule Tribe Modification 1956 noi a recognized kibol Schedule Tribe holah a khat ahi. Amahi mihem kiminvona min ahin eiho Thado-Kuki pao tho sunga phungkhai khat kikhailhah na mipu min, Pu Thadou min chu Indian Schedule Tribe adia recognized anabolu ahin hiche hi vannoi in eihetnau Thado-Kuki kiti chu ahipoi. Chule hiche hin Thado-Kuki jouse ahuop lou ahi. Amin kilo jeh, kinai jeh a kaimat lele theiya uma, mitamtah lung boi ahijoi. Hijeh a chu Indian Schedule Tribe Modification noi a recognized akibol jeh a Pao le ham culture jouse chu hiche Pu Thadou a hideh lou ahi, ajeh ipi ham itile Indian recognized Schedule Tribe Thadou hi vannoi in eihet nau Linguistics Identity Tribe Kuki Nation noi a kikhai Thado-Kuki chu ahipoi. Hetchen sat ding chu Indian Schedule Tribe Modification noi a recognized kibol Tribe jouse hi Kuki Nation noi a kikhai ahipon Schedule Tribe noiya semthu a kikhai ahin Indian national identity sunga dia zao-cha hijo ahin Indian lhem, Fake Indian inahi joh u ahi. Hijeh a chu ST a recognized kibol jouse thulahlou hijo ahi

Hilchiet na: Vannoi in recognized abol sa Kuki chu India in recognized abol dingle Special category noi a Article khat noi a recognized eibol diu constitutional rights le provision achom beh a eipieh joh diu ahi ahi. Ajeh ipi ham itile Kuki Nampi chu India mi le sa khat a recognized eikibolu ahipon separate entity mong mong a recognized eikibol uva, historical uniqueness chom beh kinei ahijeh ahin India banga Country chom ahitia recognized eibol jeh u ahi.

2. Kuki Nation le Schedule Tribe Kuki (AKT 2003):

(a). India gama hi Kuki hi indigenous hilou ahi. Indigenous ahiuve tia hetpieh na aumpon ahi. Indigenous Identity Kuki chu einodoh pieh un akhel in Schedule Tribe noi a eikhumlut jo tauvin ahi. Kuki ihinau chu India govt in eihet pieh lou jeh uva Naga hon Kuki ho chu indigenous ahipoi, refugee ahiuve tia anop nop a akisemthu jong leu Indian context a chu anil ji umlou ahi. Chule adihlou lou in neibol uve tia Court case joh bolkhum thei ahipouve.

Hiche Schedule Tribe Kuki / Any Kuki Tribes hi British ten recognized anabol Kuki chu ahipoi, hiche Kuki hi Schedule Tribe noi a kikhai Thadou Tribe tobang bang ahi. Ajeh ipi ham iti leh Kuki chu Schedule Tribe hilouva Indigenous Unique Identity hijo ahin Schedule Tribe kiso theilou ahi. Indigenous Unique Identity akiti teng leh Historical Record anei jong recognized kibol tha ding, chon le khan, kivaipohna jouse toh achena chan a kilhonkhom jing ding, kikhen thei lou ding ahi, chule hiche Indigenous Unique Identity khat chu Schedule Tribe noi a recognized kibol tha theilou ahi, ajeh ipi ham iti leh Kuki Uniqueness identity chu linguistics demarcation akibol khum jeh a modified kibol theilou ahi. Tua Indian Schedule Tribe noi a 2003 a recognized kibol Kuki / Any Kuki khu veleu chun chunga kahin sei Uniqueness identity khu hilou ahi, ajeh chu modify akibol theilou jeh ahi. Hiche jeh a Schedule Tribe noi a recognized kibol Kuki khu Kukigam hichelai ahi, hichan ahi tiho gei a recognized kibol tha theilou ahi. Chule Schedule Tribe noi a recognized kibol ahitah jeh a Schedule Tribe Modification 1956 noi a recognized kibol sa 22 Tribe jouse jong ahuop tha theilou ahi. Ajeh chu abonchauva Schedule Tribe category a kibang chat ahi jeh u ahi. Hijeh a chu British recognized Kuki leh Indian government recognized Kuki hin kibah na neocha jong aneilou ahi. Hitiho ihetkhen lou jeh uva ihetkhen lounauvin eibum ngol uva eiho le eiho ana kibil manggo ina hijoh u ahi.

Hilchiet na: Hijeh a chu Indian recognized Kuki le International recognized Kuki hin kibah na neocha jong aneilou ahin International recognized Thado-Kuki le Indian recognized Thadou ihetkhen theilou u tobang bang ahi. Vannoi vaipo British Government in recognized abol Kuki Nation le anoi a kikhai Thado-Kuki hi international recognized ahina bana a Politics lama ahing ahin, Indian recognized Schedule Tribe Kuki/Any Kuki Tribes (2003 model) hi nai lhonna athi ahin vannoi recognized bol hilou, ani lhinna alhem ahi. Politics lama manchah theilou Tribe thi ahicheh hon in, hiche Tribe thi a kisa boi a, kina a, nangpom, keipom tia asunga kikhumlut chan jong mithi hijo ahi. Vannoi hetlou Tribe sunga kikhum jouse chu vannoi hetlou non-indigenous ahiuvin, hiche boipi a domsang ho mong mong chu nampi johdoh a ana pang politics langa Juda Iscariot kana hijoh ahitai, tihi kihetdoh ngai ahi.

Hiche Thado hi Linguistics Demarcation dung jui a Tribe hing ahi jeh a amahi direct a Kuki bou toh kikanbeh thei ahijeh a Burma government in jong Kuki Nam hung kithoudoh khante tia akichat jeh a Thado chu ‘U’ akoibe pieh uva ‘Thadou’ atipeh uva Chin noi a akikhai sah uva, hiche dung jui a development neocha cha apieh uva avuimang keiyu ahitai. Chin noi a khu Kuki nambah jouse avuimang uva kivahlel keiya akoi u ahi.

3. Kuki Pao, Thadou Pao & Thado-Kuki Pao:

(a). Paokhat tho eiho Thadou pao leh Kuki Pao tia Pao kichu a kina hon ihetkhen diuva poimo chu Indian recognized Schedule Tribe Kuki/AKT hole Thadou ST ho pao tho hi Thado-Kuki Pao ahi bouvin ahi. Nangni hi semthu, midang hon nanampiu le nagamu vuimang nadia Kuki Nation apat napuimang uva amaho semthu Schedule Tribe noi a nakikhaisah maimai u ahin semthu nahiuvin nang ho kichu thei Pao jong ana hilou ahi, ajeh chu Pao kisan nathat kigo uvin athatdoh ding nana kichu nasa lheh uve. Hiche i Pao tho uhi Vannoi in recognized abola Linguistics Identity demarcation abolna chu Thado-Kuki Pao ahitia Linguistics Uniqueness Identity a recognized abolsa chu nangni Thadou ST le Kuki ST tenin nachudoh thei hon Pao maimai hilou ahin gucha nahi hon ahi. Nakisah nahon hi nang ni dia kichat umtah joh ana hijo ahi. Koi hileh hiche linguistics demarcation value helouva, hiche linguistics and Indentity Uniqueness kapom poi tichan chu Law of Asylum dung jui a Kuki hilou, Kuki melma Kuki sunga kisel foreigner leh traitor hijo ahi tihi kihetdoh na neijoh ding ahi.

(b). Hiche Pao hi Thadou ST le Kuki/AKT ST pao ahipoi, Thado-Kuki Pao ahin hichu Kuki National Language ahitia British government in Linguistics Uniqueness Identity demarcation dungjui a recognized abol ahin, hichu hekhen louva Schedule Tribe Thadou holeh AKT hon keiho pao ahi or ST Thadou or Kuki pao ahitia imposed or design abol jeng chu hoija vang international law in aphallou ahin linguistics criminalization abol hon ana hijo ahi. Hijeh a chu ST noi a recognized Tribe hon naman chah theiyu ahinan ahivanga nakilah pei thei louvu ahi, nakilah pei ule Kuki Nam pao natha doh diu tina hijeng ahi. Hijeh a chu kei a ahitia kichu louva kijahmat na India kivaihom na sunga naman chah maimai hon dia nakiphal pieh hon ahin nakichu hon leh nakichu sah honpa India toh nangni toh International Court Summon namu theiyu ahi, ajeh chu Kuki Government in Linguistics demarcation Rights kinei ahi. Hijeh chun hung kiboi hon tahih in.

Hilchiet na: Indigenous ho Pao amanthah ding hi vannoi government in ajahda pen ahi. Pao aman teng leh Nam hina jong mangtha ji ahitai. Ahin Kukite ivangphat nau chu Linguistics Uniqueness Demarcation in eina huop khah jeh uva koimachan asuhmang thei talou ding ahi. Tua India le Burma government hon henasasa suhmang agot uva Kuki akisuh mang leh Apao jong kisumang ahitai tia Kuki international recognition pen anoimang honhi akipal nahon ahin zalengam imuna diu lampi hoitah eisem pieh joh u ahi.

Hiche Thado-Kuki Pao hi Linguistics Uniqueness Demarcation dung jui a British hon study ahin bol uleh Kuki Nation noi a kikhai Nambah jouse Pao tho lah a ajung akho lut a, a Apao cheng man nalah uva Thado-Kuki ajao sohkei phat a hiche Thado-Kuki Pao hi KUKI NATIONAL LANGUAGE ahitai tia recognized abol uva, Kuki Language competition abol uva kipaman sum ana pieh jiu ahi. A Pao min chu Thado-Kuki hijong le Nampi adia Nampi Pao tia ana recognized u ahi. Hiche jong hi koi ijat in kitom henlang kanom poi tijong leh Kuki Uniqueness Identity a demarcated kibol ahitah jeh a khel thei hitalou ahi. Hiche pi helouva Indian Schedule Tribe Thadou hole AKT ho nakichu mong mong u chu ngol hoitah ahi.

Hetchen ding chu Kuki Nation noi a kikhai Tribe jouse chu Kuki Tribes ahiuvin a Pao tho jouseu jong Kuki Pao ahi, ahin lah National Identity Issue lama translate akibol teng le Pao value dung jui a Thado-Kuki Pao chu National Language a uma, anoi a chu Major Language tamtah kikhai sondiu ahi. Chule Thado-Kuki Pao chu National Language ahitah jeh a Tribe dang ho Pao tho jouse chu Dialectical Branch a umdiu ahi. Hiche hi Uniqueness of Kuki National and International Identity ahi.

ACHAINA KAHIN SEI NOM CHU AHILE LINGUISTICS SURVEY OF INDIA (1904) VOL.III, PART III LEKHABU SUNGA TRIBE HOLE PHUNG HO CHULE NAMBAH JOUSE KISUTDAN HO A SPELLING KISUN BANG BANGA KISUNLOU TRIBE JOUSE JONG HUNG BOI DING AHI. SPELLING KIMAN DAN JONG KIKHEL THEI TALOU AHI, AJEH CHU UNIQUE IDENTITY A DEMARCATED KIBOL CHAI AHITAH JEH AHI.

LINGUISTICS SURVEY LEKHABU SUNGA KIMU LOU TRIBE MIN, NAM MIN LE PHUNGMIN NEI JOUSE JONG LAW OF ASYLUM IN AHUOP DING KUKI MINAM KHAT A KISIMTHA THEI LOU DING AHIN, HIJEH CHUN TUPET IN AKIJUI DIHLOU JOUSE KHONUNG LE NABOI NALOU DIUVIN KHEL THEICHAN KIKHEL DOH UN. LINGUISTICS SURVEY LEKHABU A KIMULOU MIZO, ZOMI, KHONGSAI, ETC JOUSEN KIMAGOTTUP NA NEIYUN ACHUTI LOULE NUNG LE NATU NACHATE JOUSEU HUNGBOI DIU AHI. AMAHO DIA AMANTHAH NADIU THANG NAKAM PIEH JOH U AHI.

Pathen in Kuki Nampi eilhonpi jingu henlang, eidindoh sah tau hen.

Leave a Reply

Your email address will not be published.