Nam sunga Anti-kuki movement ahat lheh tai

150649 135 total views

By T Kuki

  1. Schedule tribe 22 ho based a Kuki nam kivaipoh ding kitihi Kuki nam tahbehpa British govt in recognized abolpa suhmang nading ahilam kihedoh jou lou ahi.
  2. Schedule Tribe AKT based a Kuki nampi kivaipohna Inpi kisem jong hi Indian schedule tribe basis a Kuki defined kithah bol a British govt in internationally a recognized abol, gam neina min, history neina min Kuki Political Identity chu thadoh a kheldoh nadinga kibol ahilam kihepha talou ingot lougot a kihiti got jeng hi gam le nam suhbei nading mama ahi. Amin kibang jongle India ST a kisemdoh pa le British govt recognized bolpa hi politics a kibang lou ahi.
  3. Kumpi kitihi purely Haosa institution ahin hichu Kuki Inpi hiding ahi. Haosa khat le ni lamkai in akitungin kisel nan akinei in ahi. Haosa rights bouvin Kuki country pumpi ahuop joh ahin Kumpi hi semthu milim Pathen tobang, Nebukednezel lengpan milim asemma mi ahousah got tobang chat ahi. Kuki political philosophy toh kitoh lou ahi. Ahin neilou sangin apha chom nai. Hiche thu hi gil ahitan koima jousen mantoh jou ponte. Kuki ihinau dihtah pa le kuki history thina ding mama ahi.
  4. UN langa konin thukhol in mi ahungtan lekha akipelut in, akisei banga eiho kivaipoh na jong hiche ahi tia vetsah angai e, tia mi khohelou ho ilhep u ahin hitobang chu umkhalou ahi. UN akon chutia thukhol dia rapporteurs ho hungu ahile thuneo hitalou ahin newspaper ho a journalist hon ahin sopah lah lah diu ahitaiye.
  5. Chule independent kiti chu thuneo hitalou ding ahin UN akon rapporteur hon ground visite ahung bol uva, kukite thuhi dihnam tia ahung khol diu ahile UN security council in independent declaration bol ding ahitai tia aphatsah teng le bou ahin sol diu India govt koma jong high level langa thu ahin peh diu athu kithang muinam ding vannoi a kithang ding ahitai. Mi ahungin ithu u ahung khol e atiu khu kahlah a research project bol scholar ho maimai bou ahi.
  6. Hiti ahijeh a chu tun Independent dingin UN in hinbol tajong leh UN a record or lekha kipelut hole ground a kukite kivaihomna ho AKT basis a kisem ahijeh a British te record toh hung kitoh talou ding flop ding, chuteng najou nabol uve atiuva ahin mat nalai diu ahi.

Leave a Reply

Your email address will not be published.