PHILOSOPHIC AND TECHNICAL EXPLAINATION ON KUKI POLITICAL IDEOLOGY

150649 92 total views

——————————————-
(KHANGDONG HO NAMPI THU’A KITILKHOUNA)

(Organised by KSO (Jiribam) & KSRO on 29th June 2018 at Jiribam Phaitol

Presented By Mark Haokip

Introduction: British government in vannoi a lengvai ahin poh jouva pat in kikhelna Danni(two parts) in ahung kikhen in ahi. Amasa chu WW-I jeh a independent ana mu gam ana umin, anina chu WW-II ahin, hiche a chun India leh Burma jong independent mulah a ana pang tan ahi. Hiche British te Lengvai poh chu Colonialism period akitin ahi. Colonialism kiti chu mi kivaipohna sunga lut a ama deidan tah a vaipohkhum khu kiseina ahi. Tuchunga KSRO in mipi kihil chen nom hi academic level ahitapon Technical leh Philosophy lampang toh kisai a ahitan kihilna leh kipui jangna thutah ahitai. Academic lam hon ahil teng thusim bulhingset research based a proof kiladoh a kihil ahin, Philosophy ahiteng asung thugil kisel guh hetdoh a hiche dung jui a anatoh tichu technical (ahitheina lampang) tah a ana toh poh doh ding kiti hi ahi. Kuki kiti nam in ahuop jouse hin thisan a kimatna (biological relation) anei cheh ahi. Chondan kibah na leh kinai anei a, hiti’a chu pao tho a kiguijop na anei ahi.

Hiche lai thu hi Linguistic Survey of India (1903) Vol. III, Part III a Dr GA Gierson, Superintendent of Linguistic Department, Govt. of British India mopohna noi a sut doh in ana umin ahi.

Kuki kiti nam hohi politically a Tribal hilou ahi, tua Indian constitutional context a Tribal a jihlut ihi vang uva semthu tribal ihiu bou ahi. Hicheva gamnei le independent tah ana cheng ahiuve tia British govt. in hetpieh na anei nam Kuki te chu India sanga jong nation ihinau lam hi unique jo ihiu ahi. India Nation-state composition hi composed of different races based a kisem, semthu, danpi manga kinoptona kon kisem doh semthu nampi, danpi khat in akan khom maimai ahi. Kuki ho vang unique nation ihiuvin, moh a kum 158 jen gal sat jeh leh zalenna thah hinmu India le Bangladesh kivaihom na noi a eikoilut jeh uva economy leh social integration lama eisot niem uva, eisuh lhahsam thu uva, ilungthim u asuhneu uva, ikinepnau jouse eisuhkeh pieh uva achih nauva eilhim ngol uva, chule ama ho pu le pate gaal sat le gamdel thusim ho ilhoh uva eikhum pieh uva, ihetnau control abol uva, hitia chu development le scheme jatchom chom ho manga eilhep uva, ichung uva vai ahomu ahin, hiche Neo-Colonialism kiti ahin Human Rights violation sangpen ahi. Academic writing jouse hihen historical document jouse hitaleh, Kuki Nampi chondan khankho kivaipoh na jouse hi reference hijeng ahi.

Trilogy of Kuki Political Philosophy Philosophy akiti teng asunglaigil chule ahintheina thuguh or amugil tah chu kiseina ahi. Mihem chu anneh jeh a tahsa hing hijong le Lhagao aum loule an ijat in kipe jong le ahing thei chom pon ahi. Philosophy kiti chu ahin theina Lhagao kiti pen tobang chu ahi. Basic foundation of Kuki political philosophy chu ahile Haosa kivaipohna hung piendol hi ahi. Gam aum lou le Haosa Institution aum thei pon ahi. Gam inei jeh uva Haosa kivaipohna umthei bou ahi. Haosa kivaipohna hi Kuki Nampi hinna lhagao ahi. Hiche lhagao hi aum lou leh gam jong umthei lou ahi. Mi ama ama hinna dungjui cheh a akivaipoh banga Kukite jong eimaho hina dungjui a kivaipoh ding ihiuve. Gam Leiset, Haosat le identity Kuki hi kikhen thei lou ahi. Amaho thum lah a khat pen pen amanthah khah leh ni teni jong achanga hing jou lou ding ahi. Hiche thum hi Kuki nampi hinna Lhagao, Lungthim le Tahsa kigom tobang ahiuve. Hiche ho thum kikhen theilouva akikilmat jing nalai tah uhi Kuki political philosophy foundation amugil laitah ahi. Hiche hi Trilogy of Kuki Political Philosophy kiti nalai tah chu ahin hitobang philosopgy hi vannoi a koimacha anei aum poi, aneidan vang jatchom chom in aumnai:

(a) GAM LEISET: Gam leiset hi hinna gou, kihinso naleh kivahna kondoh na ahi. Gam inei jeh un hiche gam a chun khosah na aumdoh in, khosah na konin chon le khan dan apieng doh in ahi. Hiche chondan jeh chun Kuki ten Insunga chapa tahpen chu inpi ngah, gou ching le gam ngah in ipan sah un ahi. Hiche chondan jal chun gam leiset ngana aum doh thei in, ichondan chun gamnei ihi eisei pieh jing in ahi.

(b) HAOSA KIVAIPOH NA: Pien dol monga insung le phung sung a konna apieng masa pen chu gou ngah/gou ching ahi bang, khop vaipo Haosa khat a kisem doh ji ahi. Haosat hi hierarchical inheritance ahin moh semthu thei ahipoi. Thisan guijama kon kivaipoh na pieng doh neite chu Kukite bou ahin hiche thil manlu tah le kidang tah hi Pathen thilpieh ahi. Gam leiset aum jeh a chondan pieng doh a, hiche chondan sunga kona chu Haosa kivaipoh na hi pieng doh ahi.

(c) IDENTITY KUKI: Identity issue a hin tulai mi tamtah aboigam tan ahi. Ipi jeh a boiyu ham itileh Kuki political philosophy ahet lou jeh u ahi or Kuki political philosophy helou lamkai mitcho or leadership thanom maimai atam jeh leh phung politics le tribe politics asangpen a gel a mipi pui mathah ana tam jeh leh Kuki political ideology dihtah helou lamkai ihi jeh u ahipen e. Kuki kiti political identity hi lam chom choma kon kiminvo ahitin writer jatjat in asun un ahi. Ken vang political term a kahin sei ding ahin origin kasei lou ding writer jouse sei chu kahin ngense ding ahi. Kuki kiti international recognized identity hi kum 158 British te toh kisat na kon kilamdoh ahin, gaal satna kon kilam doh, thisan tamtah longa kon kichodoh, itobang minam ihiu kihet na leh vannoi melhet pieh na chang identity ahi. Hiche identity a hi igam leiset uh kikanmat a, ithusim jouseu sutna pang ahitan, chule international political philosophy dungjui a “Historical and Linguistic demarcation bolna kimang ahitai. Historical and Linguistic Demarcation(HLD) kibol lou nam kiti chun Sovereignty power anei theilou ahi. Hiche demarcation hin Kukite International Politics a qualified eibolu ahi. Vannoi a Linguistic Survey in ahuop lou nam ho chun itobanga powerful history nei jong leu Sovereignty amuthei lou ahi. Hiche thugil thutah hi Kukiten kinei ahin, tutua Asia pumpi’a Sovereignty muthei chu Kukite ahitai. Tununga hiche thutah hedoh louva Kuki Country demarcated area sunga nomenclature thah thah sem hohi International Law of Asylum kiti daan dung jui a foreigner a ama le ama kisemdoh ahiuve. Kukite hi hiche Law of Asylum mangcha igam sung kisuh theng dia qualified ihiuve.

Linguistic Survey of India (1904) vol.III, Part III a amin kisunlut lou sese chu foreigner hijeng ahi. Hijeh a chu Kuki kiti Political Identity hi koi machan adalhah thei lou le apaimang theilou, akidoupi theilou hitop ahi. Tua pat ngol thethu’a umtah lou ding limgehcha um ding ahi. Hijeh a chu LEISET, HAOSA KIVAIPOH leh IDENTITY KUKI hi kikhen theilou ahi. Tutun vang India NeoColonialism noi’a kisem doh Tribe Modification Order 1956 hin eituom khum uva, eiveingol denu ahin, khahdoh a thutah kimat phat ahitai.

PHILOSOPHICAL CHANGE ON SOVEREIGNTY MOVEMENT

Vannoi a hin khang kikhel dungjui in Sovereignty/Independence movement hi ahung kikhel peh in ahi. Hiche kikhelna chu chithum in akikhen e:

1. Violent Movement: Masanglai a chu thisan nasa tah a long puma independence ana delu ahi.

2. Non-Violent: Aban kit in non-violent in mass movement le kiphinna jat chom chom ho mangin sovereignty akidel kit in ahi. India jong Gandhi non-violent philosophy mangin independence deldoh in aumin ahi. South Africa jong British te vaihom na kon non-violent in zalenna ana mutauvin ahi. Hichu Aparthied movement akitin Nelson Mandela lamkai nan a gamin zalenna ana mutan ahi. 3. Development: Tutua hi development basis a sovereigntymovement chepan ahitan ahivangin fully development basis ahi jou jep nai pon non-violent toh 50-50 basis in ache nalai in ahi. Ajeh chu development seh seh in target alhut jou akihe naipoi. Hijeh hin parallel (kibangchat a chekhom) tah in ache nalai e. Non-violent basis a kitol lah a South Africa Aparthied movement hi akichai vaigei pen ahin development era ajotpa man in ahi.

Development era ahiphat in ijakai UNO khut’a akingam tan ahi. Hiche na dingin UNPFII noi’a “General Status” a qualify ngai ahi. General Status qualify nadin historical and linguistic demarcation in ahuop ngai, Paojem nei ngai, Map nei ngai, Lexicon neingai ahi. Chule proof historical document nei poimo ahi. Hiche hi UN in independence muthei dia alhen doh ho qualification dng ahi. Kuki Political Ideology & Roadmap Kukiten independence amu thei kit nading hi flexible method ahithei kit e.

Violent period sung chu ahile 1760s to 1919 sunga thisan longa igalsat u chu ahin, hichu independent kidelna ahipon independent ihinau ventup na gal sat inahiuve. Political point a British te gaal a ijo vang uva, tha a ijolou jeh un igamu alhasam den in ahi. Gaal lamkai jouse surrender jong hilouva amat tho uva songkul akhum jal un a point dung jui in gal jou ihiuve, gaal kisat na vang ajoujo aumpon songkul eikhum jeh un Kukite gaal jouvin het ihiuve. Ahin athuguh ei ki-immang peh uvin ahi.

Hiche hi academic level a hetdoh thei ahi tapon, Philosophy of War Politics akon abou kihedoh thei bou ahi. Kukiten British te gaal a ijou ahi. Hijeh a chu imajouse akivet toh chat a, thil soh jouse dung jui a Kukite movement bol ding dan akivet leh lampi 3 kop a bol teitei ngai ahi:

1. ColdWar: ColdWar kiti hi politics a gaal guh a kibolto na ahi. ColdWar ajaolo na chu ahile British hon igamu India, Burma le Bangladesh noi’a akoi lut jeh ahin ama ho toh kibolto ding hilouva ama gam 3 ho leh Kuki te kah a gaal kidouna semdoh British te toh ikisat nau hi ColdWar stage lhung ahitan tuni gei a kichai loulai ahi. India, Burma le Bangladesh hon ichung uva thilse abol doh jouseu British ten Kukite chunga ColdWar a gaal asat nau hijo ahin hijeh a chu igaal mi uhi British ho ahi jing nalai e tihi hetdoh ngai ahi. India, Burma le Bangladesh hohi Secondary enemy ahiuve. Amaho hi kidin tepi ding jong ahipon direct a international level a British ho toh kidinte ding ihiuve. Hiche gaal hi suhthip tei tei ding ahi. India Burma hon Kuki gam a opkhum laisea British te toh kidou na kichai loulai ahi. British ten Vannoi ajo uva avaipoh khumu ahin Kukiten British te kijou ahi. Hiche jeh a vannoi politics a dinmun sangtah kichang ahin eihon ikihet doh louvu ahi. Hiche dinmun sangtah ineiyu chu VETO POWER kiti thaneina ichoi diu khu ahi. Hiche ichan diu toumun khu British hon alo u ahi. British ho keihon kajosa nahiuvin nang ho keiho sangin sangjo thei pouvin nate, itidiu ahi. Hiti’a hi UN atounau khu suhboi pieh jing ding ahi. Kachung uva nagal bolu nga tauvin itidiu, human rights violate kibolna crime sang tah Kukite chunga nabolu hi ladoh loi un iti diu ahi. Hiti’a chu UN a Kuki te thuneina toumun kaneisau chu hoilai ham? Katoumun u nei ot un kalal tounau mun nang hon selmang thei pouvin nate tia ichu diu ahi. Hiche ho jouse hi KSRO in aguilhun thei nadia tohgon kisem ahi. British te hi international politics a kidelpi ding ahi. Hiteng chule athu’a ijo teng leu India, Burma le Bangladesh chunga amah on thu ahin sei diu Kukigam dalha dia thu ahin pieh diu, vannoi gam hon hiche policy chu ahin tosot ding ahi. Vannoi kichatna India Burma le Bangladesh hon Kuki ho asuhgenthei ngam lou ding, hiche sunga hi keihon chanvou napeuvinge tia Kukite ahin jol diu ahi. Hiteng chule sum a crore crore a ahin lihlut diu, isung uva movement sumit ding thingnoi ahin sem diu eiho le eiho kidouna ding ahin bold oh nom diu ahi. Hiche nikho chule changtah le changlhem kilhekhen na lhung nalai ding ahi. Hiti ahijeh a chu British hon India ho koma Kukigam otdoh tauvin tia ano vang uva ama ho nomlou diu ahin hijeh a chu Kuki ho chu economy le military support ahin pieh diu, vanleng galkap ho, missile ho, tank ho le galmanchah jatchom chom ho Kuki ten imanchah thei nadiu thaneina chu UN a Veto ahin bol nalai diu ahi.

Hiche Kukiland a hi business le economic opportunity sangtah um ahin hiche thil kiselguh jal’a vannoi gam dang ho toh bilateral and multilateral trade agreement ho kisema financial support ho kilalut a gamsung hi nasatah a develop kibol ding ahi. 1910 le 1920 kikah sunga Kuki Army ana kisem doh a German ten Manipur le Burma um Kuki sepoy 1000 (battalion khat) ana semdoh sa le Poito Kuki Army 6000 kisem doh toh Lushei Kuki Army 3000 kisem doh sa chu KSRO in revive kinung bol ding ahi. Phudoh sa ahitan German te gal lel jeh a ana moh ngah u ahin, abul phudoh sa chu vannoi hetpieh na changsa ahi jeh a avela igam kihuh na dia nung semdoh kit ding hi adoudal thjei vannoi danbu khatcha umlou ahi. Thingnoimi hiding ahipon Kuki Rebellion Army/ Kukiland Army mong mong hiding ahitai. Hiche license kineisa hi manga vannoi ho hetthem sah a tundoh kit ding, Germany le Japan hon financial stability and Army sustainability support abol diu ahi. Hiche Kukiland Army/Kuki Rebellion Army hi Nam sepoy mong mong hiding ahitan lhalo sang ding ahi tauve. Hiche nadia Kuki government mechanism thalhingset hih jong le foreign aid based a kivaipoh na chepan ding ahi. Hiti lam hi Kukite galsat ding dan chu ahitai.

Keng sepoy maimai jong alhom penna 10 lakhs beh hiding ahi. Hiche Kuki Rebellion Army/ Kukiland Army ho chu Kuki Country demarcated boundary sung pumpia hung pansa ding ahi. Chuteng Kuki lenggam dindoh ding doudal ho’a kon eihin vendoh diu ahi. Hiche keo hilouva vanleng sepoy, twi sepoy jeng jong thalhing set ding ahi. Bay of Bengal Twikhanglen hi akehkhat Kuki Ocean hiding ahin hiche a hi twi sepoy ho pansa diu ahi. Hiche twikhanglen lampi hi Kukite thuneio na ahiteng India Act East Policy chu Kuki ten kichal ding ahitan, twikhanglen sumkolvei na lampi jong Kukite thanei na noi a um ding ahi. Hiche phat le USA le China in sum bat kisah to naleh sum pong kideltona Kukiland target ahin bol hon ding, America in China te sum abat ho sahdoh na Kukiland ahin huhding ahi. Ajeh chu Kukiland dindoh hin Asia economy mainstream policy atoupha ding ahin hiche jeh a China economy hung khesuh ding ahi. Chuteng vannoi gam jousen Kukiland chu economy investment policy noi a support ahin bol ding igamu zalenna pilhing ding ahitai. UN jenga jong VETO POWER holder lah a achung nung pen ihung hi nalai diu ahi. Hiche hi KSRO political calculation ahi. Kukite vannoi a lengvai poh hichea konna hi hung kipan ding ahi. Hiche dinga hi Pathen in phatthei bohsa eikoiyu ahi.

2. Non-Violent: Hitobang movement hi mipi kilungtona kon pilhing thei ahi. Capable leadership a kingam jep jong ahi. Non-violent hi mipi kiphinna le jatchom chom manga idei ho demand kibol ahi. Ahin a situation dung jui le thilsoh dung jui’a kibol ahi. Kuki gam tundoh kit nadia NonViolent hi phatah manchah ngai ahin amanchah na ding jong international level hiding ahi. International support muna dia political campaign ahat ngai ahi.

Vannoi gam ho’a Kukiland support campaign ibol diu, eipanpi diu ikisem diu ahi. German te, Japan te, Austra-Hungary kiti gam ho toh ipu ipateu ana kijop matnau thah semphat kit ding ahi. Chule vannoi a Christian gam ho kitosot sah ding ahi. Hitia hi international level a campaign bolngai ahi. Christian country jousea hi Kukiland support centre hondoh sohkei ngai ahi. Hiti’a hi vannoi holing ding ahi.

3. Development: Tulai khanga hi Development basis a sovereignty tundoh dia UN in achepi ahitai.

Independence muthei dia alhendoh ho chu agam develop masa phot ding, ama le ama akitoudel thei teng sovereignty pieh ding tihi ahi. Ahin lah hiche qualification jouse fullfil jong leh international support amulou le phondoh pieh ngam deh ponte. Hiche jeh a UN seh seh a kingap thei hilou ahi. Veto power holder ho lobby habol ngai ahin support kibolsah ngai ahi. Support eibol nadiu lampi aum e. UN in jong fund akoisa ahi. KSRO IDEOLOGY 1760s apat 1919 chan Kukite gaal sat hi mitam tah in Kuki War of Independence ahi tin asei un, adih poi. Gam ventup na Defensive War joh ahi. Thucheng mankhel tah lou ding ahi. Kuki gam chu Independent sa ahi jeh a British ho akon kiventupna gaal kisat joh ahi. Independent akiti teng mi tamtah hon tulai modern democracy le socialism akon zalen na status tobang dia igelu jong gelkhel ahi. Zalen na kiti chu mi ama ama nam zalen na chu itobang hijong le zalen na kisim ahi jeh a British government writer hon Independent Kuki Country tia lekhabu a ana khumlut u ahi.

“INDEPENDENCE” akiti teng le athah beh a koi ham khat vaipohna noi a kon sochatna mu’a zalen ho kiseina ahin, “INDEPENDENT” akiti teng aitih a ana zalen jingsa nam ho kisei na ahi. Hijeh chun British hon atoupha gam atamjo zalenna mu chu “INDEPENDENCE” tia minvo ahi. Sohtanna kon zalen na chu kiseina ahi. Kukite vang INDEPENDENT title noi’a umden ihiuvin idinmun uhi detkheh ahi. Hiche i-zalen nau chu ipu ipaten kum 158 lut in ana huh uvin thisan naisan longin hinkho ana phal uvin ahi.

British te vaipoh khum na apat ana huhdoh sau hijong leh i-zalennau chu suset pieh a ana um jeh a hiche suset um chu modern NATION-STATE democratic basis a restore bol ding bou hi Kukiten Political Ideology kinei sunsun chu ahi. Hiche tailou tunia migam vaipohna noi a akium nunga mi daan bu noi a gam kidel ding ti’a ipan lah na houhi semthu le adih lou ideology ahi jeh a bumang cheh cheh ihiu ahi. Hijeh a chu hiche thutah bou hi Kukiten kinei ahin hiche igam nung sem thah kit ding ideology hi KSRO in kichepi ahi. Gam tundoh ding thu akisei teng ilungu aneo thei in, kichat ding le tijat ding bou iboipiuvin, eima ho le eimaho ikisukicha khop un ahi. Lungneo jeh in koi suhkichat louvin ijildoh u hetna hon eisu kichauvin ahi.

Gam khat zalen na tundoh ding ahi teng leh apoimo angaicha jouse lah a adeh a economy hi donlouva kikoi ngeilou ahi. Hijeh a chu chung langa COLDWAR topic noi a kisun doh maban a ihin toh diu khu kisei dohlo ahi. Imding thil aumin seidoh ding thil jong aumin ahi. Hijeh a chu KSRO in thilgon gilt ah tah tamtah ineiyu ahi. Tua pat ‘KSRO ho’ tia tumsei lou ding, “Eiho KSRO” tia sei joh ding ahi. Kuki hijouse or Kuki Country demarcated geographical area sunga cheng jouse KSRO member ahi.

KUKI GOVERNMENT TAH BEH SEMDOH DING

1.Kuki Nam kivaipoh na Kuki Inpi ti’a imoh semu hi suhtoh ngai e. Hiche Kuki Inpi hi tule tu’a Indian Government Schedule Tribe recognized based a kisem ahin hiche hi a foundation dih lou ahin duplicate Kuki Government hinalai ahi.

Kuki Government kiti chu traditional government or original tradition dung jui a kisem ding ahin, gaal miho constitution semthu minam lhem ho manga government kisem lou ding ahi. Hiche khu Kuki manna ding joh ahi. Indian Constitution based ding hilouva “LINGUISTIC SURVEY OF INDIA (1904) VOL. III, PART III” based a Kuki Nampi kivaipoh na semdoh joh ding ahi. Hijong le Traditional system dung jui hi ding ahi.

(a) HAOSA INPI semdoh teitei ding ahi: Haosa Inpi in eivaihom teng leu chung langa kisei Trilogy philosophy of Kuki Politics kiti chu atahbeh hung pot doh ding ahi. Haosa Inpi chu International recognized institution ahin, vannoi vaipo British hon Rights or License apieh sa ahin, British govt. hetpeh chu vannoi hetpieh ahi. Haosa Inpin International level a “Political Voice” aneisa ahi. Hiche chu manchah ding ahi. Chuteng ichung thu uh eima hon ikisei teng leu a power hat ding ahi. Haosa Inpi chu Upper House tobang Raja Sabha tobang hiding ahi.

(b) JAPI INPI (House of Common): Mipi Inpi kiti chu semdoh sa ana hitai. Hichu tua Kuki Inpi kiti hiahi pon Kuki National Assembly (KNA) kiti hi ahin, hiche hi re-establish bol tei tei ding ahi. Hiche Inpi hi term nei a Electoral system a kilhen dohna che lha ding ahi. Hiche kivaipoh na KNA chu Political Party in ana kheldoh uvin ana sonlhu uve, hijong leh revive teitei ngai ahi. Chuti lou leh contemporary Kuki politics jouse thilo ding ahi. Kuki National Assembly nung tundoh ahiteng Haosa Inpi toh kitho khom ding, chuteng nampi thahat na kiledoh kit ding ahi. KNA chu modern Kuki government Institution poimo pen ahin Haosa Inpi toh adin khom teng “KUKI INPI” tia kikou ding ahi.

(c) KUKI INPI: Kuki Inpi kiti chu Haosa Inpi leh Japi Inpi atoukhom teng Kuki Inpi toukhom kiti ding ahi. Kuki Inpi chu English a iledoh leh “Kuki Parliament” tina ahi. America te’a khu White House kiti ahi.

Kuki Parliament President, Secretary etc. tia kivaipohna kilheng chu dihlou le jachat um ahin government pilhing hithei lou leh alimthothu dramatic epics maimai ahi nalai in, tua vang atah tah isemdoh diu ahi.

Kuki National Assembly (House of the People) le Haosa Inpi chun Kuki government atol hon ding ahi. Amani chu Kuki Inpi’a toukhom hon ding ahi. Amani thulhuh chu Kuki Inpi thulhuh hiding ahitai. Adih le atah ilhekhen teitei louleu ihung kipal nadiu nailam cha um ahin ihatdoh jou lou diu ahi.

Leave a Reply

Your email address will not be published.