PU CHENGJAPAO DOUNGEL KUKITE LENGPA HINA A KICHAI NAIPOI

150649 91 total views

~Mark Haokip

Kuki Inpi kiti chu *Chieftainship Institution* kiseina ahi. Kuki Inpi kivaipohna mikhat counter bolna dia hung kipost chu hoitah ivet le asem hohin Kuki anoise nau le kichepna aneina jouseu akiphondoh najoh u ahidan point by point a hilchen thei hinte. Hijongle hichu kibol pontin, Leng thudol kisei nalai point neocha joh mangin adihlou neokhat heitoh joleu hen aphalama khantouna hiding ahijoi.

Hiche sunga kisun ho lah a hi adihlou tamtah um ahi. *Kuki Government* chu Kuki Chief ho ahi. Chuleh, tutua Kuki Inpi hi Haosa ho touna kilah pieh a khankho kipaimang na ahi akitile hiche article hi ahin pohdoh u ahi. Achutile, hilai a jong Kuki chief hochu Kuki Govt ahi tia asei thou thou u ahile idia hiche thuhi a post leleu ham? Hiche thu post lele hohin mikhat tana in kabol e atiu ahin, ata nom pau tatjo louvin tutua Inpi kiboldan dihlouna aphondoh joh u ahitai.

*Kuki Raja Chengjapao Doungel* akitin overall Kuki jouse lah a Raja a kihe ahi. Tripura Lengpa khu Tripura adia Leng ahin akalelanga Tripura lengte Kuki mina contribution bollou pa joh overall Kuki King a kiseidoh hi phabep chun amaho hetbanga Kuki thusim he umlou jeh le Pu Chengjapao Leng hina paimang naleh Tripura lengpa kiselna neija eima joh Pu Chengjapao Doungel touna a tou ding ti tupna joh a akibolu hitei ding ahi. Hiche hi Pu Chengjapao Doungel Kingship lahpieh na ding conspiracy hoilou tah khat ahi jo bouve tihi ahung kilang doh jo’n ahi.

Pu Chengjapao Doungel “Raja” title chu British Institution in Recognized abolsa ahitan, lahpieh thei ahitapoi. Ahin, ama son le pah te chu leng chang teitei ding tina thu ahipon Kuki te jouse ading ahijo in, Kuki Country Sovereignty restoration process kichai tokah a Pu Chiengjapao Doungel chu Kuki Raja hijing ding tina ahi.

Atahsa ana um tahih jongle Political lama chu Pu Chengjapao Doungel chu thi loulai ahi.

Kukite Independent gam huhna galsat Haosa len ahina Kuki Raja title chang ahin Democratic Sovereign State principle a Kukiland akisem chai teng lebou Pu Chengjapao Doungel in Kukite chunga aleng vaipoh na kichai bep ding ahi. Hiche hi Political issue lam ahin practical culture lam ahipoi.

Kuki country nung tundoh ahi kah se’a Pu Chengjapao Doungel Kukite Lengpa hi thi jongle hing nalai ahi, amin mangthei lou ahi. Ajeh chu agal kisatna chung chang thu seilhah hinailou ahin gal asat jing joh ahi nalai e. Ama min hi Kukite galsat chung changthu British government toh Anglo-Kuki War 1917 to 1919 Peace Accord Treaty akisem nikho tengle Pu Chengjapao Doungel Kuki King mina Kukiten represent iboldiu ahibouve, achuti loule British ten eina hetlou diu ahitai.

Ajeh chu amahi living evidence & document a pang ding ahin, chuche hilouvin “Kuki kahiuve” kiti jongle documentation a failed khah le kichaideh ding ihiuve. Hijeh chun International single Supreme government anahi British ten Kukite Lengpa hina recognized anabol tah jeh uva tunia hi ching in them lheh jong leu hen KUKITEN NA LENGPAU PU CHENGJAPAO DOUNGEL nasuhmil theilou hiel diu ahi. Ajeh chu ama Raja/King title recognized abol pieh nau hi KUKI POLITICAL IDENTITY TOH KIKILMAT AHITAI.

Tunia eiho jousen ilhaipiu hi ipu ipate’u ana beisoh tajong leu amaho thakhel, amaho minpua natong ihiuvin, ipu ipa teu chu galsat hijing nalai ahijouvin, ajeh chu Kukite galsatna chu achungthu kisei chai loulai joh ahi. Athu akisei chai nikho apat khangson lang hon gam kivaipohna ahin vaibol diu chu tunia eiholoi natoh hi hung hiding, eiho natoh a hung kisim pan bep ding ahi.

Tunia eiho hi Minnei nadia natong ding hilouvin ipu ipateu galsat na chu Pakai Jesu Christa loupisah nadia ilhaipi diu ahi. Pakai chu domsang leu hen Aman eihin dopsang diu ahi.

Pu Chengjapao Doungel Kukite Lengpa ahina min akichai naipon hiche hi Pathen in Kukite eipieh u Thutah le Khankho dimset puma umjinga ahi.

Leave a Reply

Your email address will not be published.