SCHEDULE TRIBE MANGA KUKI NAM KIVUIMANG

150649 189 total views

By Mark Haokip

India govt in schedule tribe abol hi nomadic tribe a defined abol na ahin gamdang/country dang ho mitmua chu India te hi khankho dimset a mikhoto te a kilang ahi. Ahin kol hohi duha a kichem ahiuvin, hiche nomadic treatment eibol uhi Kukite tobang adia crime against humanity ahijon, amavang eihon ikigeldoh jou louvu ahi. Ajeh chu Kukite hi Schedule tribe ding hilouva aniem pena J&K sanga chungnung jo Special Autonomy a um ding, separate Article khat noia constitutional provision eibol pieh diu, separate constitution, separate parliament, separate law, leh separate flag ho itumnei diu joh ahi. Ahin hiche nomadic level a eikoi nau hi aphongdoh pouvin aselchah kheh uvin chopol bangin eipol chaveideh uvin ahi. Hiche hi eihon ikihet doh louvu ahi.

Schedule tribe chu asetlou vanga gam neina indigenous rights assassinated abol nau ahin political identity hisa Kukite chu schedule tribe (nomadic level) einungso doh uva eihon kipah tah a politics a eikitha nau chu ikipapi keiyu ahi. Hijeh a India gama hi Kukite chu indigenous a het kihilou ahitai. Hiche jeh a schedule tribe politics a kuki nampi eina bokeh deh uva, uniqueness of Kuki identity chu schedule tribe policy a modified eibol uva tua hi nomadic status a um ihiu ahitan, hijeh a politics kibol theilou or bolthei na hilou ahitan, hichu gam neilou, mitobang sa tobang, identity neilou, mi bang joulou banga eivah dan uva akilang doh sah u ahitai. Chuti ahijeh a Schedule Tribe status chun land rights or forest right jouse jong athalih thaa amaho joh aneitua pang doh uva anop phat phat a ichung uva act jat jat eikoikhum jiu ahitai, achuti jeh a forest act policy jong indigenous land rights suhbei nadia modify ahin bol tou peh u ahi.

Hitobang case dinmun a ium khah tah jeh uva eihon hiche schedule tribe noi a recognized kibol Any Kuki Tribes chu British recognized political identity dana technically proof based hilouva eima ho self dilution or self made faith or eima ho kichang hisap tahsan akona British recognized political identity status a chu umden nalai ihisah khah uva politics bolna thei dia igel khah u ahi.

Hiche schedule Tribe Any Kuki Tribes chu schedule tribe noi a umta iti political identity ahitia isei jengu ham? Political identity kipe kiti chu politically self sufficient ahin adelpha umlou independent political identity ahijon; minoi a aumlou nalai tah jeh a chu political identity kiti theibou ahi.

Achuti jeh a Schedule Tribe noi a AKT kihenglut chu nomenclature status jong pha joulou ahi. Naga, Meitei, Mizo, Khasi, Garo, etc. hobou India adia nomenclature status kaijou ahin ama vang ama ho jouse sanga chung nung jo British in political identity a recognized abol chu Kuki bou ahin, Kuki chu hiche nomenclature kitiho jouse chunga agalsat jala ahuhdoh jeh a achung uva dia Lengpa a kitung doh hijo ahi.

Nomenclature le Political identity kibah loudan chu gate ngahpa le Lengpa tobanga kikhe ahi. Hichea Naga, Meitei, Garo, Khasi, Mizo, etc. kiti jouse chu Kuki Political Identity in adelphau ahin Indian Union a administrative solution amu jal uva India level politics lama chu nomenclature treatment amujou hamhamu ahin, tun amaho chunga Lenga kitungpa chu hiche nomenclature status a umho noi langa schedule tribe chun ikipal sah got uvin ahi. Chuti ding ahipon Special Article khat noi a Kuki chu constitutional rights apieh diu hichea 22 schedule tribes jouse Kuki noi a akikhai sah diu joh ahin hitia chu akibol doh thei le bou India govt noi a chu AKT chu AKT dihtah hung hithei ding bou ahi. Kuki thuhi gilten ahin eihon agilna 20 percentage jong ihetdoh joulou tobangu ahi.

Ajeh chu Kuki political identity chu hiche schedule tribe policy manga assassinated abol doh u ahi, achuti jeh a tua Schedule Tribe AKT chu amachama CLONED KUKI STATUS a umdoh jeng joh ahi. Hiti’a Any Kuki Tribe kiti Kukite kihetna international in recognized abolsa linguistics survey demarcation a defined kibol chaisa chu aloikeh uva kuki a kikhai talouva schedule tribe a akikhai sah uva, eihop khen jou uva, Any Kuki Tribes status a international recognized sa chu Indian schedule tribe noi a eikikhai sah uva ahivanga composition lhing talouva eikoi pieh uva, AKT chu paokhat tho sung bouva apply kibol thei bep ding status a eikoi doh u ahi.

Tua hi other 22 tribes jouse 1956 modification manga AKT akon aloilhah uva single recognized aboldoh masat utoh ihinau AKT chu Schedule Tribe policy noi a galmia akimu sah u ahitai.

Kuki kiti chu self independent ahina asuset u ahitai. Hiche hin avetsah chu Kukiten anei jingsa Self autonomy or the rights to self determination chu India govt in lungthim them tah violated eibol pieh uva schedule tribes provision neocha cha manga ilungthimu eijilmang pieh uva eimaho ngolna mama chu manchah anei uva athalih doh paigot u ahi.

India ten hiche duha eibum ngol nau hi atamjon imatphah lou u ahitai. Hiche problem jeh a ipi ibol vang uva inamu damthei talouva, adeh a majority a dingkhom pao kibang tho ho ding khom thei louva eilhau ahitai. Chule Nampi pao or Kuki um tribe jousen aneikhom pao chu athidoh nadia Thadou ana pieh doh uva paoneilou nam chavei a eikoi doh u ahi.

Ajeh chu nam khat/Nation kitihi linguistics basis a identify kibol ahin hijeh a nampi khat chu apao ake tengle anam jong lengkeh jia teldeh ji ahi. Bible a Babel lengam chu pao jeh a ana keh ahi banga eiho jong aneitum umlou Pathen in inam pumpiuva iman diuva eina pieh uchu India ten Thadou ana pieh doh uva chua kona the Formula of Babel Disintegration basis a eiho jong bomb pokeh banga ana pohkeh ihiu ahi. Achuti jeh a Schedule Tribes hohi kineh holna neiding imachalouva gelding tia hindoh kit nadia kisei ahijoi.

Schedule Tribes noi a Any Kuki Tribes jeng bon imachalouva akoidoh uva ahile another 22/23 tribes ho chu seilouva kichai thengsat ahitai. Kuki nam thu focus kibol a sovereign rights inei bang uva manchah a igam kisemthah kita inampiu suhhing kit ding tohgon akinei tah jeh a politics lam a ithinau jouse chu logical point pepuma ihetdoh uva  ikhahdoh kit thei nadiuva Any Kuki Tribes hi emphasize hung kihabol jep ahin apom ho douna leh apomlou ho tosot na ahipon Kukite Universal Rights to Self Determination inei pau muchiet thei nadia imit ule ilungthimu chotsah Schedule Tribes a recognized kibol tribe jouse le aumchan dan jouse manchah a kimanga kikou khah na hung kinei ahi.

Dated: Aug. 13, 2019

3 thoughts on “SCHEDULE TRIBE MANGA KUKI NAM KIVUIMANG

Leave a Reply

Your email address will not be published.