UNIQUENESS OF KUKI POLITICAL IDEOLOGY

150649 132 total views

~Mark Haokip

Ahisa jing Kukite Political Ideology, eiho kisemthu le tahsan dan jong hilou, ipu ipa teu gaalsat jeh a amachama ideology ana piengdoh SOVEREIGNTY/SELF-DETERMINATION hi compromise kibol theilou ahitai, aki record bang banga jui teitei ngai ahi. Haplut be jong hithei lou, lahdoh be jong hitheilou, khel lele thei jong hilou ahitai. Eiho geldan a tolthei jong hilou, eiho deiya modify jong kibol theilou ahitai. Hiche toh kitoh louva Political Movement kibol jouse jong failed chaikei ding ahi, ibol teitei uleh igam ileiset u mikhut a ipiehdoh chaikei diu ahi.

Hijeh a chu phatah kholchilna kibol a Kuki Sovereignty Restoration Organization in tutua vannoi chepi philosophy toh kitohchat a chingthei tah a kitolpan ahitai. Anompan adeilou or atahsan loule a support dathei, anompan a support jing thei, a support ho jouse chunga vang kipathu seijoulou akinei e. Support le support lou jeh a kinolda thei jong hilou, a support ho jong a support lou ho jong kibangchat a ahuoptha ahi. Kuki kahi tiho le Kuki kahipoi tiho jong kibang chat a ahuoptha ana hijon aboncha a philosophy in ahuopchai keisa ahin eiman bolthu a lahdoh a paimang le ajaolou khat koilut be jong hithei lou ahitai. Hiche hi Kuki Political Ideology unique ahina chu ahitai.

Supporting documents ijat um jongle Kuki International Politics a chu Linguistics survey demarcation hi Alpha le Omega, thupat nale thukhumkha a pang ding ahitai. Hiche linguistics survey demarcation kibol chai jouva pat writer hon document chom2 asutdoh hou lah a Kuki uniqueness toh kitoh louva kisundoh jouse Linguistics survey demarcation jeh a invalid hichat chat hijo ahi. Akitoh a kisundoh jouse Kuki politics in kalsonna lampia aneikit ahi. Hiche demarcation um masanga Kuki history hoilou tah a kisun ana umjouse, adihbehseh louva um jouse chu a technical philosophy dungjui a Linguistics Demarcation in atha ahitan hetthem lou jeh le hetchen lou jeh a eimahon adihlou ho chu ihindoh sah jijiu ahi, chule contemporary writer tamtah hole tutua Kuki against na natong jousen jong ahinthu sah jijiu ahi. Achuti vanga athisa ahi. Akisei banga hiche linguistics demarcation jouva adihlouva Kuki history kisun jouse jong LSD hin athachaisa ahitai. Kon ipi sei jongle eihon jong kipeldoh theilou, min jong asuset pai theilou ahi.

Kuki Nam Politics ibol uva hiche linguistics demarcation toh kitoh lou jouse chu technical level a failed sa ahi. Kukigam hung dindoh thei nadia thupi tamtah kisundoh ho, kiseidoh ho jouse hi root khat noi a kikhai ahiuvin, kitoh salou jong tam ding, kikalsa jong tam ding ahi, ahivanga lekhabu khat sunga chapter chom chom um tobang ahi. Hiche ho jousea konna chu ikhahdoh ule itobanga ihidiu lampi eikomu uva, lampi khat a ichekhom sah diu ahi. Hijeh a chu KSRO hi Kuki Nam adia ilhuh namun uva konna idindoh uva igamu kitum vaipoh na ikisemdoh nadiuva apatna le achaina ahitai.

Dated: 18th March 2019

Leave a Reply

Your email address will not be published.